პროფლიგას ახალი პრეზიდენტი ჰყავს
25 იანვარს საქართველოს სპორტისა და ახალგაზრდულ საქმეთა დეპარტამენტის სააქტო დარბაზში, საქართველოს პროფესიული ფეხბურთის ლიგის რიგგარეშე მე-12 ყრილობა გაიმართა. ერთადერთ საკითხად იყო წარმოდგენილი პროფლიგის პრეზიდენტის არჩევნები. ლიგის პრეზიდენტის პოსტზე, მხოლოდ ერთი კანდიდატი იყრიდა კენჭს გიორგი ფირცხალავა. ყრილობას ხმის უფლებით 13 დელეგატი ესწრებოდა, რომლებმაც ერთხმად გიორგი ფირცხალავას დაუჭირეს მხარი. პრეზიდენტის არჩევნებს ვერ დაესწრო, მხოლოდ ბათუმის დინამოს წარმომადგენელი სულხან გოგიბერიძე, რომელმაც თანხმობა წერილობით გაუგზავნა დელეგატებს.
