’’ვიტ ჯორჯია - დინამო’’ - საზოგადოებრივი მაუწყებლის ეთერით

პროფესიულმა ფეხბურთის ლიგამ ’’საზოგადოებრივ მაუწყებელთან მიაღწია შეთანხმებას საქართველოს ჩემპიონატის უმაღლესი ლიგის ორი მატჩის პირდაპირი რეპორტაჟის თაობაზე.
5 ნოემბერს, მცხეთის ’’არმაზის’’ სტადიონიდან დაგეგმილია მეთერთმეტე ტურის ცენტრალური შეხვედრის, ’’ვიტ ჯორჯიასა’’ და თბილისის ’’დინამოს’’ თამაშის პირდაპირი ტელერეპორტაჟი. 26 ნოემბერს კი, ასევე მცხეთის სტადიონიდან ტელემაყურებელს შესაძლებლობა მიეცემა იხილოს ’’ვიტ ჯორჯიისა’’ და ’’ამერის’’ მატჩი, რომელიც მეთოთხმეტე ტურის მთავარი შეხვედრაა. პირდაპირ რეპორტაჟს გეგმავს ტელეკომპანია ’’იმედიც’’. 18 ნოემბერს გადაიცემა თბილისის ’’დინამოს’’ და საჩხერის ’’ჩიხურას’’ მატჩი.

ნოემბერში უმაღლესი და პირველი ლიგის მატჩები 14:00 საათზე გაიმართება.